Одбележан „Вилоетов ден„ 2017

По повод 26 март, Светскиот ден за поддршка на лицата со епилепсија наречен „Виолетов ден“,  Здружението на граѓани за лица со епилепсија и родители на деца со епилепија „Епилепсија Македонија“ во соработка со Лигата за борба против епилепсија на Македонија на три локации го одбележаа „Виолетовиот ден“ за поддршка подигање на свеста кај граѓаните за прифаќање на лицата со епилепсија.

DSCN2837 DSCN29523

На плоштадот „Методија Андонов Ченто“ во Прилеп, активисти на Здружението „Епилепсија Македонија“ делеа флаери, отворија кутија со донации и им укажуваа на граѓаните за епилепсијата.Следниот ден слични активности беа одржани во Битола на „Широк сокак“ и  на плоштад „Македонија“ во Скопје.

we

 

– Годинашново одбележување на Светскиот ден за поддршка на лицата со епилепсија е под мотото „Твојата промена може да направи промена“. Во одбележувањето преовладува виолетовата боја бојата на лаванда, што е меѓународна боја за епилепсија, но, исто така, поврзана е со чувството на осаменост, кои често се јавува како резултат на општествена стигматизација и изолација на луѓето со епилепсија.  Треба да се промени начинот на прикажување на епилепсијата на телевизија, во книгите и другите медиуми, каде епилепсијата и животите на луѓето со епилепсија се прикажани на лош начин што уште повеќе ги усложнува напорите правилно да се едуцираат луѓето за епилепсијата и како да му се помогне на лице кое има епилептични напади.

Нашата активистка,32 годишната Светлана Петковска  од третата до 14 година од животот, во текот на основното образование имала епилепсија, непријатно искуство и предизвици со кои се соочила поради нарушувањето.

– Наставниците и педагозите не сакаа да преземат одговорност, ги убедуваа родителите дека треба да учам во специјално училиште. Но, за среќа родителите не подлегнаа на притисоците, зашто јас може нормално да посетувам настава. Така и беше. Сега немам епилепсија, но порачувам дека односот треба да се смени уште во образовниот систем, па и средината да ја покаже поддршката. Важно е околината да разбере дека и ние сме дел од општеството, можеме да водиме нормален начин на живот, особено ние кои веќе не сме под терапија и немаменапади, рече Петковска.

Со многу други проблеми се соочуваат лицата со епилепсија, но се надеваме дека ќе успееме во нашата мисија. Особена благодарност изразуваме до Лигата за борба против епилепсија на Македонија, Локална Акциона Група – АГРО ЛИДЕР, БОНИТА Нине, Елит кафе и Уни Ројал Компани, кои помогнаа во реализацијата на оваа наша активност

 



Не е дозволено превземањето на оваа содржина или на делови од неа без цитирање на изворот Здружение ЕПИЛЕПСИЈА МАКЕДОНИЈА on]
Tweet about this on TwitterEmail this to someoneBuffer this pagePin on PinterestShare on FacebookShare on Google+Share on LinkedInShare on VKPrint this page

Comments on Facebook

Copy Protected by Chetan's WP-Copyprotect.