Факти за епилепсијата и епилептичните напади

Многу луѓе се во заблуда и мислат дека знаат за епилепсијата како хронично невролошко нарушување, но повеќето луѓе не знаат и затоа се плашат од епилепсијата и од лицата со епилепсија, честопати ги омаловажуваат и ги дискриминираат. Ова се некои факти за епилепсијата:

  • Епилепсија не е лудило. Тaа е нарушување на функцијата на мозокот.
  • Во светот со епилепсија има околу 60 милиони луѓе.
  • Епилепсија можат да предизвикаат тумори на мозокот, тешки повреди на главата, мозочен удар, менингитис, вродени аномалии на мозокот, паразитски болести …
  • Епилепсијата може да биде предизвикана од прекумерно консумирање алкохол, но може да настане и без причина.
  • Епилепсија не може да предизвика каснување од бесно куче.
  • Иако генетските фактори можат да влијаат на појавата на епилепсија не е точно дека таа може да се пренесе само преку женската линија.
  • Луѓе кои немаат во семејството лице со епилепсија, може да добијат епилепсија.
  • Епилептични напади може да се случат и на човек кој нема епилепсија.
  • Епилепсијата не е заразна и не може да се пренесува со близок контакт со лице кое има епилепсија.
  • Од епилепсија страдаат и мажи и жени,од  различни раси и различна возраст.
  • Луѓето со епилепсија не живеат пократко од другите.
  • Луѓето со епилепсија не се  помалку интелигентни од другите, напротив,  многу генијалци, познати и славни луѓе имаат епилепсија.(пр. Александар Македонски, Исак Њутан, Питагора, Аристотел, Цезар, Достоевски, Наполеон и др.)
  • Со уреден живот и редова терапија, луѓето со епилепсија можат да ги контролираат своите напади и да живеат нормален живот.
  • Луѓето со епилепсија може да спортуваат, може успешно да го завршат училиштето и нормално може да работат како  другите луѓе.
  • Лице со епилепсија не може да биде професионален возач, но може да се добие возачка дозвола, ако ги исполнува условите пропишани со закон.
  • Жените со епилепсија може нормално да имаат деца.
  • Епилептични напади не е секогаш придружени со губење на свеста и појава на пена во устата.
  • Епилептични напади може да наликуваат на месечарење.
  • Појава на мирисни, визуелни и други визии (халуцинации) може да бидат знак за епилепсија.
  • Лицето кое го доживува напад треба да се сврте на страна, да се отстранат острите предмети од неговата околина и да се остане солицето, додека целосно да се разбуди.
  • Нетреба да се освестува  човек кој има напад или да се пробува да смири неговото тело.
  • Најголемата заблуда кај луѓето е дека кај лицето кое има напад треба да се стави нешто во уста за да се избегне задушување од голтање на јазикот.
  • Лице кое има епилепсија не е опасно за околината.
  • Со дружење со лице кое има епилепсија не се изложувате не било каков ризик.


Tweet about this on TwitterEmail this to someoneBuffer this pagePin on PinterestShare on FacebookShare on Google+Share on LinkedInShare on VKPrint this page

Comments on Facebook

Copy Protected by Chetan's WP-Copyprotect.